„Дума“ - Чувар на зборовите и културниот идентитет

„Дума” е мој личен обид да го истражам и зачувам богатството на македонскиот јазик преку уметноста на накитот. Оваа линија не е само колекција на парчиња; тоа е збир од емоции, спомени и приказни, внимателно врежани во облик и форма. Секое дело е инспирирано од еден македонски збор, збор кој ја пренесува суштината на културата, историјата и чувството на припадност. Во време кога јазикот често се заборава или се губи во превод, „Дума“ има за цел да го врати значењето и убавината на зборовите што ни се основа. Користејќи дигитални техники и 3D моделирање, создадов уникатни дела кои ги слават буквите и зборовите, претворајќи ги во современ накит кој ќе ја  пренесе традицијата во иднината. Ова патување е поттикнато од љубовта кон македоскиот јазик и од желбата да се создаде нешто што ќе зборува и кога зборовите замолкнуваат. „Дума“ е посвета на македонскиот збор – на неговата сила, мелодичност, убавина и значење. Нека оваа линија биде потсетник за тоа, колку е важно да го чуваме и негуваме нашиот јазик, како што ќе го носиме секое парче од овој накит. – Сташа Божиновска